Rusiyada Xocalı soyqırımı anılıb

4 mart, 2025

Rusiyada Xocalı soyqırımı anılıb

https://x.com/DiasporaAz/status/1896829323975471107

Rusiya Federasiyasının Vladivostok şəhərinin Primorsk diyarında, Çelyabinsk vilayətində, Krasnoyarsk diyarında Xocalı soyqırımının 33-cü ildönümünə həsr olunmuş anım tədbirləri təşkil edilib.

https://x.com/DiasporaAz/status/1896829323975471107

Vladivostok şəhərinin Primorsk diyarında fəaliyyət göstərən “Dostluq” İctimai Təşkilatı Xocalı soyqırımının 33-cü ildönümünə həsr olunan anım tədbiri keçirib. Təşkilatın sədri Ramiz Zeynalov çıxışında 1992-ci il fevralın 25-dən 26-na keçən gecənin tarixdə ən dəhşətli hadisələrdən biri olduğunu qeyd edib. Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyevanın təşəbbüsü ilə Heydər Əliyev Fondunun bəşəriyyətin ən böyük faciələrindən olan Xocalı soyqırımı haqqında faktların dünyaya çatdırılması istiqamətində sistemli və ardıcıl fəaliyyət göstərdiyini bildirib. 2008-ci ildə Heydər Əliyev Fondunun vitse-prezidenti Leyla Əliyevanın təşəbbüsü ilə başlanmış “Xocalıya ədalət!” beynəlxalq kampaniyasının bu istiqamətdə təbliğat işini daha da gücləndirildiyini tədbir iştirakçılarının diqqətinə çatdırıb. Sonda Heydər Əliyev Fondunun hazırladığı Xocalı faciəsi haqqında videoçarxlar nümayiş olunub.

https://x.com/DiasporaAz/status/1896829323975471107

Xocalı faciəsinə həsr olunmuş növbəti tədbir Çelyabinsk vilayətində baş tutub. Çelyabinskdə fəaliyyət göstərən “Azərbaycan Çelyabinsk vilayəti azərbaycanlılarının İctimai Təşkilatı”nın keçirdiyi tədbir soyqırımı qurbanlarının əziz xatirəsinin bir dəqiqəlik sükutla yad edilməsi ilə başlayıb. Təşkilatın rəhbəri Ərşad Xankişiyev çıxış edərək soyqırımın tarixi haqqında ətraflı məlumat verib. Tədbirin ikinci hissəsi açıq diskussiyaya həsr olunub. Qeyd edilib ki, hər bir azərbaycanlının borcu – ölkəsinin tarixini yadda saxlamaq və qorumaq, həmçinin soyqırımı qurbanlarının və şəhidlərin xatirəsini əziz tutmaqdır. Sonda Xocalı soyqırımı haqqında videoçarx göstərilib.

https://x.com/DiasporaAz/status/1896829323975471107

Xocalı soyqırımının 33-cü ildönümü ilə əlaqədar Rusiyada digər bir tədbir Krasnoyarsk diyarında keçirilən anım mərasimidir. Mərasimi Azərbaycan Regional Milli-Mədəni Muxtariyyəti və Krasnoyarsk diyarının Azərbaycan Gənclər Birliyi təşkil edib. Əvvəlcə Xocalı soyqırımı qurbanlarının xatirəsi bir dəqiqəlik sükutla yad olunub. Milli-Mədəni Muxtariyyətinin Krasnoyarsk diyarı üzrə din və ruhani məsələlər üzrə sədr müavini Hacı Mütəllib İbişov, həmin faciəvi hadisələrin şahidi Nazim Əliyev, Muxtariyyətinin sədr müavini Telman Tamoyev çıxış edərək soyqırımı haqqında məlumat veriblər. Azərbaycan xalqının öz ərazi bütövlüyünü bərpa etməkdə göstərdiyi cəsarət vurğulanıb, tarixi ədalətin bərqərar olduğu bildirilib. Belə əhəmiyyətli tədbirlərdə həm yaşlı nəslin, həm də gənclərin iştirakının vacibliyini qeyd edilib.

Foto qalereya

https://x.com/DiasporaAz/status/1896829323975471107

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/rusiyada-xocali-soyqirimi-anilib-5603

https://x.com/DiasporaAz/status/1896829323975471107