İsrailin Netaniya şəhərində Heydər Əliyevin 100 illiyinə həsr olunmuş tədbir keçirilib

, 2023

İsrailin Netaniya şəhərində Heydər Əliyevin 100 illiyinə həsr olunmuş tədbir keçirilib

İsrailin Netaniya şəhərindəki Mərkəzi Kitabxanada müasir Azərbaycan dövlətinin qurucusu Heydər Əliyevin anadan olmasının 100 illiyinə həsr olunmuş tədbir keçirilib.

Azərbaycan Diasporuna Dəstək Fondunun dəstəyi, “Azİz” İsrail-Azərbaycan Beynəlxalq Assosiasiyasının və Azərbaycan Mədəniyyət Mərkəzinin təşkilatçılığı ilə baş tutan tədbirdə Azərbaycanın İsraildəki türizm nümayəndəliyinin rəhbəri Cəmilə Talıbzadə, Yokneam şəhərinin vitse-meri Roman Peres, yerli ictimaiyyətin nümayəndələri və soydaşlarımız iştirak ediblər.

Tədbirdə “Azİz”in İdarə Heyətinin üzvü Lev Spivak, Azərbaycan Mədəniyyət Mərkəzinin direktoru Yeganə Salman və Bakının fəxri vətəndaşı, tanınmış mühəndis İsay Skvirski çıxış ediblər. İvrit dilində Azərbaycan xalqının dahi oğluna həsr olunmuş “Öndə gedən” kitabı və “Azərbaycan yəhudiliyinin çiçəklənməsi” (1969-1982) ensiklopedik toplusu barədə geniş məlumat verilib, Azərbaycanla və Heydər Əliyevlə bağlı xatirələr bölüşülüb.

Bildirilib ki, ensiklopedik topluda Heydər Əliyevin respublikaya rəhbərlik etdiyi 1969-1982-ci illərdə Azərbaycanda məsul vəzifələrdə çalışan, ölkənin mədəniyyətinə, təhsilinə, elminə, tibbinə, sənayesinə və xalq təsərrüfatının digər sahələrinə mühüm töhfələr verən yəhudi millətindən olan Azərbaycan vətəndaşlarının qısa tərcümeyi-halı verilib. Azərbaycanda bütün xalqların nümayəndələrinin, eləcə də yəhudilərin hər zaman bərabər hüquqlardan istifadə etdikləri, heç vaxt təzyiqlərə məruz qalmadıqları, azad şəkildə çalışdıqları diqqətə çatdırılıb. “Bu, böyük beynəlmiləlçi Heydər Əliyevin və onun əsasını qoyduğu tolerantlıq siyasətinin Azərbaycan Prezidenti İlham Əliyev tərəfindən uğurla davam etdirilməsi nəticəsində mümkün olub”, – deyə Yeganə Salman vurğulayıb.

24 dekabr tarixində bütün Azərbaycan xalqının Prezident İlham Əliyevin doğum gününü təbrik etməsi xəbəri tədbir iştirakçılarının gur alqışları ilə qarşılanıb. “Öndə gedən” və “Azərbaycan yəhudiliyinin çiçəklənməsi” kitabları iştirakçılara hədiyyə edilib.

Bədii hissədə müğənnilər Leyla Vəkilova və Mayuel İsakovun ifasında Heydər Əliyevə və Azərbaycana həsr olunmuş mahnılar səsləndirilib.

Tədbir çərçivəsində “Heydər Əliyev və Azərbaycan yəhudiləri” mövzusunda fotosərgi təşkil edilib.

Qeyd edək ki, tədbir iştirakçıları “Azİz” adından xüsusi müraciət imzalayaraq, Azərbaycanda növbədənkənar prezident seçkilərinin keçirilməsi haqqında qərarı dəstəklədiklərini bildiriblər.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/israilin-netaniya-seherinde-heyder-eliyevin-100-illiyine-hesr-olunmus-tedbir-kecirilib-4005

SON DAKİKA

İsrailin Netaniya şəhərində Heydər Əliyevin 100 illiyinə həsr olunmuş tədbir keçirilib