#ABŞ-da yaşayan azərbaycanlı MMA döyüşçüsü Nazim Sadıxov qarışıq döyüş növləri üzrə ən nüfuzlu idman təşkilatı olan “Ultimate Fighting Championship”də (#UFC) keçirdiyi ilk döyüşündə parlaq qələbə qazanıb.

📌 https://t.co/EcuOHJyURk pic.twitter.com/IiMP2IWuu1

— Azerbaijani Diaspora (@DiasporaAz) February 20, 2023

Azərbaycanlı döyüşçü “UFC Fight Night 209”dakı ilk döyüşünü parlaq qələbə ilə başa vurub
20 fevral, 2023
Azərbaycanlı döyüşçü “UFC Fight Night 209”dakı ilk döyüşünü parlaq qələbə ilə başa vurub
ABŞ-da yaşayan azərbaycanlı MMA döyüşçüsü Nazim Sadıxov qarışıq döyüş növləri üzrə ən nüfuzlu idman təşkilatı olan “Ultimate Fighting Championship”də (UFC) keçirdiyi ilk döyüşündə parlaq qələbə qazanıb.

“UFC Fight Night 209”dakı rəqibi amerikalı Evan Elderlə qarşılaşan soydaşımız döyüşü üçüncü raundu texniki nokautla başa vurub. Yüngül çəkidə (70 kq) mübarizə aparan döyüşçümüzün zərbəsi nəticəsində amerikalı rəqibin üzündə dərin kəsik yaranıb və hakim döyüşü dayandırıb.

Bu, 28 yaşlı Nazim Sadıxovun peşəkar karyerasında 9-cu döyüş olub. İndiyədək keçirdiyi görüşlərdə 8 qələbə qazanıb, 1 məğlubiyyətlə üzləşib.

Xatırladaq ki, UFC (Mütləq Döyüş Çempionatı) idman təşkilatına daxil olmamışdan əvvəl soydaşımız UFC prezidenti Dana Uaytın “Contender Series”də seçmə oyunu keçirib. Ötən ilin avqustunda o, əfqan Əhməd Suhail Həsənzadəni nokautla məğlub edib.

Nazim Sadıxov 6 yaşı olanda ailəsi ilə birlikdə Bakıdan ABŞ-ın Nyu-York şəhərinə köçüb. Bruklində böyüyən soydaşımız uşaq yaşlarından karate, daha sonra MMA ilə məşğul olub. ABŞ-da qazandığı bütün qələbələrini tarixi vətəni Azərbaycana həsr edən soydaşımız hər yarışın sonunda üçrəngli bayrağımızı dalğalandırır.

Diaspor üzvləri ilə işğaldan azad olunmuş Şuşaya da səfər edən Nazim Sadıxov və Elgün Xanoğlanlı öz fəaliyyətləri barədə ətraflı danışıb, müxtəlif arenalarda şanlı Azərbaycan bayrağını dalğalandırmaqdan qürur duyduqlarını bir daha ifadə etmişdilər.

Diasporla İş üzrə Dövlət Komitəsi növbəti parlaq qələbə qazanması münasibətilə Nazim Sadıxovu səmimi-qəlbdən təbrik edir, gələcək karyerasında davamlı uğurlar əldə etməyi arzulayır.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/azerbaycanli-doyuscu-ufc-fight-night-209-daki-ilk-doyusunu-parlaq-qelebe-ile-basa-vurub-2409

#ABŞ-da yaşayan azərbaycanlı MMA döyüşçüsü Nazim Sadıxov qarışıq döyüş növləri üzrə ən nüfuzlu idman təşkilatı olan “Ultimate Fighting Championship”də (#UFC) keçirdiyi ilk döyüşündə parlaq qələbə qazanıb.

📌 https://t.co/EcuOHJyURk pic.twitter.com/IiMP2IWuu1

— Azerbaijani Diaspora (@DiasporaAz) February 20, 2023