Parisdə keçirilən “Assosiasiyalar Forumu”nda Azərbaycana qarşı erməni təxribatının qarşısı alınıb

2023
Parisdə keçirilən “Assosiasiyalar Forumu”nda Azərbaycana qarşı erməni təxribatının qarşısı alınıb
Fransada fəaliyyət göstərən Fransa-Azərbaycan Dialoqu Assosiasiyası (ADFA) Parisin 15-ci rayonunun meriyasının qarşısında keçirilmiş ənənəvi “Assosiasiyalar Forumu”nda uğurla iştirak edib.

Azərbaycan guşəsində ölkəmizin qədim tarixini, zəngin mədəniyyətini əks etdirən kitablar, milli əşyalar, geyimlər, xalçalar və mətbəx nümunələri nümayiş etdirilib. Fransız dilində Azərbaycan həqiqətlərindən bəhs edən kitablar Heydər Əliyev Fondu tərəfindən nəşr olunub.

Tədbir çərçivəsində Azərbaycan musiqisi səsləndirilib və diaspor fəalı Dilbər Yüzbir milli rəqslərimizi təqdim edib. Qeyd edək ki, Dilbər Yüzbir bu ilin avqustunda Naxçıvanda gerçəkləşdirilmiş “Heydər Əliyev – 100” Diaspor Gənclərinin IV Yay Düşərgəsinin iştirakçısı olub.

Azərbaycan guşəsini ziyarət edən yerli sakinlərə ölkəmiz, mədəniyyətimiz barədə ətraflı məlumatlar verilib və qonaqların sualları cavablandırılıb. Guşəmizi ziyarət edənlər arasında 15-ci rayonunun meri Filip Qujon, 12 və 15-ci rayonun deputatları olub.

Eyni zamanda Azərbaycan guşəsinin qarşısında merin erməniəsilli köməkçisi Anouch Toranianın təxribatının qarşısı alınıb. Bir nəfər fransalı həmkarının müşayiəti ilə soydaşlarımıza yaxınlaşan Toranian dava salaraq, Fransa-Azərbaycan Dialoqu Assosiasiyasının üzvlərini təhqir edib, ölkəmizə dair nalayiq sözlər işlədib və guşəmizi dağıtmağa çalışıb.

Xatırladaq ki, “Assosiasiyalar Forumu” hər ilin sentyabr ayında keçirilir. Çoxsaylı assosiasiyaların qatıldığı tədbirdə Fransa paytaxtında yaşayan xalqların nümayəndələri öz mədəniyyətlərini təşviq edir, il ərzində planlaşdırdıqları mədəniyyət proqramları haqqında yerli sakinləri məlumatlandırırlar.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/parisde-kecirilen-assosiasiyalar-forumu-nda-azerbaycana-qarsi-ermeni-texribatinin-qarsisi-alinib-3465

“Mines Action Canada” təşkilatı Fransa-Azərbaycan Dialoqu Assosiasiyanın mina təhlükəsi ilə bağlı müraciətini cavablandırıb

, 2023

“Mines Action Canada” təşkilatı Fransa-Azərbaycan Dialoqu Assosiasiyanın mina təhlükəsi ilə bağlı müraciətini cavablandırıb

Fransa-Azərbaycan Dialoqu Assosiasiyasının ölkəmizin azad olunmuş ərazilərində Ermənistan tərəfindən yaradılmış mina təhlükəsi barədə müraciətini Kanadanın “Mines Action Canada” (MAC) aparıcı şirkətinin icraçı direktoru Erin Hant cavablandırıb.

Azərbaycanda mina təhlükəsi ilə bağlı mövcud durum barədə məlumat verdiyi və bu məsələ ilə bağlı fikrini bölüşdüyü üçün Fransa-Azərbaycan Dialoqu Assosiasiyasına minnətdarlığını bildirən Erin Hant bildirib ki, Kanada hökumətinin dəstəyi ilə MAC artıq bir neçə ildir Cənubi Qafqazda minaların təmizlənməsi prosesini müdafiə edir. Bu müdafiənin 2021-ci ildə uğurlu olduğunu vurğulayan icraçı direktor bildirib ki, tezliklə bu fəaliyyətin yenidən uğurlu olacağına ümid edir. O, əlavə edib ki, şirkətləri Azərbaycan Respublikasının Minatəmizləmə Agentliyində (ANAMA) çalışan azərbaycanlı həmkarları ilə sıx işləyir.

Erin Hant xatırladıb ki, bu ilin may ayında MAC adından Bakıya səfər edib və II Beynəlxalq humanitar mina fəaliyyəti konfransına qatılıb. Bu konfransın Bakı və Ağdamda keçirildiyini vurğulayan kanadalı mütəxəssis bildirib ki, minaların Azərbaycanda icmalara təsirini görə biliblər. Onun sözlərinə görə, Azərbaycanda mina təhlükəsi ilə bağlı öyrəndiklərini Kanada hökumətinin və parlamentinin rəsmiləri ilə bölüşüb.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/mines-action-canada-teskilati-fransa-azerbaycan-dialoqu-assosiasiyanin-mina-tehlukesi-ile-bagli-muracietini-cavablandirib-3273

Fransa-Azərbaycan Dialoqu – Tarım ve Gıda Gazetesi

Parisdə keçirilən “Assosiasiyalar Forumu”nda Azərbaycana qarşı erməni təxribatının qarşısı alınıb

“Mines Action Canada” təşkilatı Fransa-Azərbaycan Dialoqu Assosiasiyanın mina təhlükəsi ilə bağlı müraciətini cavablandırıb