Birləşmiş Krallıq – Tarım ve Gıda Gazetesi

Birləşmiş Krallıqdakı icmamız “Amnesty International UK” təşkilatını müstəqil araşdırma aparmağa və təcili hərəkətə keçməyə çağırıb

Abdullah Yiğit — Mon, 28 Aug 2023 18:14:51 +0000

, 2023

Birləşmiş Krallıqdakı icmamız “Amnesty International UK” təşkilatını müstəqil araşdırma aparmağa və təcili hərəkətə keçməyə çağırıb

Birləşmiş Krallıqda yaşayan Azərbaycanlıların Koordinasiya Şurası (CCAUK) Azərbaycanın Qarabağ regionu ətrafındakı narrativlərin müstəqil araşdırılması və kritik narahatlıqların aradan qaldırılması məqsədilə “Amnesty International” beynəlxalq insan hüquqları təşkilatına müraciət edib.

CCAUK adından “Amnesty International UK” təşkilatının daimi icraçı direktoru Saşa Deşmuka (Sacha Deshmukh) ünvanlanmış müraciətlərdə bildirilib ki, Azərbaycan əsilli britaniyalılar Ermənistanda mövcud olan revanşist əhval-ruhiyyəli qüvvələrin və erməni diasporunun yolverilməz əməlləri nəticəsində Cənubi Qafqaz regionunda yaranmış mövcud vəziyyətdən dərin narahatlıq hissi keçirirlər.

2020-ci ildə baş vermiş müharibədən sonrakı aktual problemlərin həll olunmamasına, Ermənistanın 30 illik işğal illərində və post-müharibə dövründə ölkəmizə qarşı törətdiyi hərbi və ekoloji cinayətlərə, Ermənistan silahlı qüvvələri tərəfindən basdırılmış minalar nəticəsində bu günədək Azərbaycanın 300-dən çox günahsız mülki vətəndaşının və hərbi qulluqçusunun həlak olmasına və yaralanmasına diqqət cəlb edilib.

Ermənistan tərəfinin dəqiq mina xəritələrini Bakıya verməməsinin kobud qanun pozuntusu olması, Qarabağdakı qızıl və mis-molibden yataqlarının qeyri-qanuni istismar edilməsi, 60 min hektardan çox meşə sahəsinin talan edilməsi, çaylarımızın çirkləndirilməsi, erməni KİV-lərinin azərbaycanlılara qarşı pis rəftarla bağlı pərakəndə sübutlar yaymasının III Cenevrə Konvensiyasına zidd olması, bir neçə azərbaycanlı əsgərin girov götürülərkən fiziki, mənəvi işgəncələrə və təhqirlərə məruz qalması xüsusilə vurğulanıb.

Regional əməkdaşlığa sadiqliyini qonşu Gürcüstanın timsalında sübut edən Azərbaycanın beynəlxalq hüquq normlarına uyğun olaraq öz ərazilərində, o cümlədən nəqliyyat-kommunikasiya yolları üzərində suverenliyini qorumağa çalışdığı, Xankəndi-Laçın yolunun açıq olduğu bir daha nəzərə çatdırılıb.

CCAUK bu kritik və önəmli mərhələdə “Anmesty International UK” beynəlxalq təşkilatını erməni yalanlarına inanmamağa, regionda sülhün, təhlükəsizliyin və sabitliyin bərqərar olması naminə Ermənistanın hərbi və ekoloji cinayətlərini ədalətli şəkildə araşdırmağa və təcili hərəkətə keçməyə çağırıb.

Qeyd edək ki, bu müraciətlər Londonda keçirilmiş etiraz aksiyası zamanı “Amnesty International” beynəlxalq qeyri-hökumət təşkilatının ofisinə təqdim edilib.

FOTO QALEREYA

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/birlesmis-kralliqdaki-icmamiz-amnesty-international-uk-teskilatini-musteqil-arasdirma-aparmaga-ve-tecili-herekete-kecmeye-cagirib-3405

Londondakı icmamız “Amnesty İnternational” beynəlxalq təşkilatının ofisi qarşısında etiraz edib

Abdullah Yiğit — Sun, 20 Aug 2023 21:10:21 +0000

Londondakı icmamız “Amnesty İnternational” beynəlxalq təşkilatının ofisi qarşısında etiraz edib

, 2023

Londondakı icmamız “Amnesty İnternational” beynəlxalq təşkilatının ofisi qarşısında etiraz edib

London şəhərində yerləşən “Amnesty İnternational” beynəlxalq qeyri-hökumət təşkilatının ofisi qarşısında Böyük Britaniya və Şimali İrlandiya Birləşmiş Krallığında yaşayan Azərbaycan icması nümayəndələrinin dinc aksiyası keçirililib.

Birləşmiş Krallıqda yaşayan Azərbaycanlıların Koordinasiya Şurasının təşkilatçılığı ilə baş tutan aksiya Ermənistanın yenidən BMT Təhlükəsizlik Şurasını siyasi, hərbi və informasiya yönümlü manipulyasiya kampaniyası üçün alətə çevirmək cəhdinə etiraz məqsədilə gerçəkləşdirilib.

Azərbaycan bayraqlarını dalğalandıran aksiya iştirakçıları “Qarabağın ekoloji mühitinin dağıdılmasına görə ədalət tələb edirik!”, “Mina qurbanlarına görə ədalət tələb edirik!”, “Azərbaycanlı girovlara görə ədalət tələb edirik!”, “Azərbaycanlı girovları azad edin!”, “Ermənistanın ekoloji terroruna son qoyulsun!”, “Ermənilərin minaları dinc sakinləri öldürür!” şüarlarını nümayiş etdiriblər.

İndiyədək bu aşkar pozuntulara lazımi reaksiya vermədiyinə görə “Amnesty İnternational”ı qınayan aksiya iştirakçıları beynəlxalq təşkilatı Azərbaycanın Qarabağ bölgəsinin ətraf mühitinin qorunması, Ermənistanın ekosidinə son qoyulması, Azərbaycan vətəndaşlarının Qarabağda təhlükəsizliyinin təmin olunması və insan hüquqlarının qorunması istiqamətində əməli fəaliyyətə keçməyə çağırıblar.

Aksiya ilə maraqlanan londonlularun diqqəti 30 il ərzində ölkəmizə qarşı təcavüzkar və qəsbkar siyasət yürütmüş Ermənistanın hərbi və ekoloji cinayətlərinə cəlb edilib. Ermənistan silahlı qüvvələri tərəfindən Azərbaycan ərazilərində basdırılmış minaların insan həyatını təhdid etdiyi, 2020-ci il müharibəsindən indiyədək Azərbaycanda mina qurbanlarının sayının 303 nəfərə çatdığı, rəsmi İrəvanın xəritələri təqdim etməməsinin qanun pozuntusu olduğu, azərbaycanlıların insan haqlarını kobudcasına pozduğu nəzərə çatdırılıb.

Üstəlik, erməni KİV-lərinin azərbaycanlılara qarşı pis rəftarla bağlı pərakəndə sübutları yaymasının III Cenevrə Konvensiyası ilə ziddiyyət təşkil etdiyi, bir neçə azərbaycanlı əsgərin girov götürülərkən fiziki, mənəvi işgəncələrə və təhqirlərə məruz qaldığı vurğulanıb. Ermənistanın yolverilməz əməlləri nəticəsində Azərbaycanın Qarabağ bölgəsində 60 min hektardan çox meşə sahəsinin darmadağın edildiyi, çaylarımızın çirkləndirildiyi vurğulanıb.

Tədbirin sonunda aksiyanın qətnaməsi “Amnesty İnternational” beynəlxalq təşkilatının ofisinə təqdim edilib.

Qeyd edək ki, Azərbaycanın bölgədəki sülh səylərinin dərk edilməsi və dəstəklənməsi barədə Koordinasiya Şurasının bəyanatı BMT, “Amnesty İnternational” və digər beynəlxalq təşkilatlara da göndərilib.

FOTO QALEREYA

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/londondaki-icmamiz-amnesty-international-beynelxalq-teskilatinin-ofisi-qarsisinda-etiraz-edib-3372